«Барселона»нинг собиқ футболчиси Жофре Матеу клубнинг янги ҳужумчи сотиб олиш истаги юзасидан ўз фикрини билдирди.

Фахрий футболчи жуда кутилмаган номзодни тавсия этди. Матеунинг ҳисоблашича, «кўк-анорранглилар» «Спортинг» форварди Луис Суаресга эътибор қаратишлари лозим.

«Масалан, «Спортинг»дан Луис Суарес арзонроқ тушади. Ўйлашимча, у Ольмо, Педри ва Ламин [Ямал] билан биргаликда ҳужум чизиғига жуда катта таъсир кўрсатган бўлар эди. У 35 тадан ортиқ гол уришга қодир», — деди Матеу.

Луис Суарес «Спортинг» сафида 53 та ўйин ўтказган. Ушбу баҳсларда форвард 38 та гол урди ва 9 та голли узатмага муаллифлик қилди. Футболчининг меҳнат шартномаси 2030 йилнинг ёзигача амал қилади. Transfermarkt портали унинг трансфер қийматини 30 миллион еврога баҳоламоқда.