"Sassuolo" hujumchisi Janluka Skamakkaga "Vest Xem" qiziqish bildirmoqda. Futbolchining transferi 30 million yevroga baholanmoqda.
"Roma" akademiyasining sobiq futbolchisi, 23 yoshli hujumchi 2017 yilning boshida PSVdan "Sassuolo"ga o‘tgan edi. Hujumchi bir necha mavsumni ijarada o‘tkazdi, yakunda u Italiya klubining asosiy futbolchisiga aylandi.
"Vest Xem" deyarli butun mavsumni almashtirishlarsiz o‘ynagan Maykl Antonio bilan raqobatlasha oladigan hujumchi qidirmoqda.
Joriy mavsumda Skamakka A Seriyada 36 ta o‘yinda maydonga tushib, 16 ta gol urdi.