Londonning "Arsenal" klubi tez orada "Lester" yarim himoyachisi Yuri Tilemans uchun 30 million yevro taklif qilishi mumkin. The Telegraph xabariga ko‘ra, "Arsenal" bosh murabbiyi Mikel Arteta transferni talab qilmoqda.

Oldinroq Tilemans yozda Chempionlar ligasida o‘ynaydigan jamoaga o‘tmoqchi ekani xabar qilingandi. “Kanonirlar”ning mavsum yakunida turnirga yo‘llanmani qo‘lga kirita olmagani futbolchining yakuniy tanloviga ta’sir qilishi mumkin.

Eslatib o‘tamiz, Tilemansning "Lester" bilan shartnomasi keyingi mavsum oxirida yakuniga etadi. "Tulkilar" bu yozda yarim himoyachini hech bo‘lmaganda pul olish uchun sotishga qarshi emas.