Londonning “Chelsi” klubi hujumchisi Timo Verner yozda faoliyatini Italiya “A” seriyasida davom ettirishi mumkin. Football Italia xabariga ko‘ra, Turinning “Yuventus” klubi germaniyalik hujumchi xizmatlariga qiziqish bildirmoqda.
"Keksa sinyora" uchun muqobil variant - "Manchester Siti" hujumchisi Gabriel Jezus, ammo braziliyalik Londonning "Arsenal"iga borishni afzal ko‘rishi mumkin.
Verner "Chelsi"ga 2020 yilning yozida "RB Leypsig"dan o‘tgan edi. Nemis futbolchisi o‘zining birinchi mavsumida klub bilan Chempionlar ligasida g‘olib chiqdi, biroq keyinchalik tarkibdagi o‘rnini yo‘qotdi.
