6 iyun, dushanba kuni Braziliya va Yaponiya terma jamoalari o‘rtasidagi o‘rtoqlik uchrashuvidan so‘ng “Arsenal” klubi “Manchester Siti” bilan hujumchi Gabriel Jezus borasida muzokaralarni davom ettirmoqchi. Bu haqda The Sun nashri xabar bermoqda.

Manbaga ko‘ra, "kanonirlar" 25 yoshli braziliyalik futbolchining transferidan umidvor. Jezus hamon London jamoasining yozgi mavsumdagi asosiy transfer maqsadlaridan biri hisoblanadi.

Avvalroq Gabrielni "Tottenxem" ham o‘z safiga qo‘shib olmoqchi ekani xabar qilingandi.

Hujumchi o‘tgan mavsumda barcha musobaqalarda 41 o‘yinda 13 ta gol urdi va 12 ta golli uzatmani amalga oshirdi.

Jezusning "Manchester Siti" bilan shartnomasi keyingi mavsum oxirida yakuniga yetadi.