6 июнь, душанба куни Бразилия ва Япония терма жамоалари ўртасидаги ўртоқлик учрашувидан сўнг “Арсенал” клуби “Манчестер Сити” билан ҳужумчи Габриэл Жезус борасида музокараларни давом эттирмоқчи. Бу ҳақда The Sun нашри хабар бермоқда.

Манбага кўра, "канонирлар" 25 ёшли бразилиялик футболчининг трансферидан умидвор. Жезус ҳамон Лондон жамоасининг ёзги мавсумдаги асосий трансфер мақсадларидан бири ҳисобланади.

Аввалроқ Габриэлни "Тоттенхэм" ҳам ўз сафига қўшиб олмоқчи экани хабар қилинганди.

Ҳужумчи ўтган мавсумда барча мусобақаларда 41 ўйинда 13 та гол урди ва 12 та голли узатмани амалга оширди.

Жезуснинг "Манчестер Сити" билан шартномаси кейинги мавсум охирида якунига етади.