Usmon Dembele PSJga o‘tmaydi.
Qanot futbolchisida faoliyatini davom ettirish uchun ikkita yo‘l bor – yo “Barselona” bilan yangi shartnoma imzolash yoki “Chelsi”ga o‘tish. Qaror keyingi haftadayoq qabul qilinishi mumkin. Shu bilan birga, Kataloniya klubi nihoyatda pessimistik va Dembele yangi shartnoma imzolashdan bosh tortishiga ishonmoqda.
Bir muddat “PSJ” Usmon atrofidagilar bilan muloqotda bo‘ldi, biroq Leonardoning sport direktori lavozimidan ketishi muzokaralarning to‘xtab qolishiga olib keldi. Leonardoning o‘zi aynan Dembeleni "PSJ"ga olib kelishni istayotgan edi. Parijliklarning yangi sport direktoriga aylanadigan Luis Kampos jamoa yarim himoyasini kuchaytirishni ustuvor vazifa deb biladi.
Dembele do‘sti Kilian Mbappening vaziyatga ta’sir etishiga umid qilgan va hujumchi "PSJ" rahbariyatiga unga katta taklif bilan chiqishni maslahat berishini xohlagan. Biroq, endi vaziyat Parijda boshqacha tus olgan.
Qayd etilishicha, "Chelsi" Dembelega 4 yil muddatga shartnoma taklif qilgan va futbolchining moliyaviy talablarini qondirgan. "Barselona" taklifni oshirmadi, chunki ular Usmon haqiqatan ham qolishni istasa, klub qo‘ygan shartlarga rozi bo‘lishi kerak deb hisoblaydi.
