Ertaga Namangan shahrida Osiyo kubogi-2023 saralash bosqichidan o‘rin "C" guruhi bahslari boshlanadi. Bugun ishtirokchi jamoalar bosh murabbiylari matbuot anjumanida ishtirok etishdi. Dastlab Tailand terma jamoasi bosh murabbiyi Aleshandre Pyolking jurnalistlarning savollariga javob berdi.

"Ertaga bizni saralash bosqichida muhim uchrashuv kutib turibdi. Biz 3 ochko bilan boshlab olishimiz talab etiladi. Hozirgi kunda barcha jamoalar yaxshi o‘yin ko‘rsata oladi. Shu sababli biz o‘z ham o‘yinimizni namoyish etishimiz kerak. Lekin albatta, bu guruhda O‘zbekiston milliy terma jamoasi favorit hisoblanadi. Biz 2 ta turda 6 ochkoni qo‘lga kiritib, Osiyo kubogiga yo‘llanmani qo‘lga kiritishimiz lozim. Oxirgi turdagi O‘zbekistonga qarshi o‘yin o‘z kuchimizga baho berishga yordam beradi.

Bundan tashqari, 4 ta futbolchimiz U-23 Osiyo kubogida ishtirok etmoqda. Shu sababli ularning xizmatidan foydalana olmaymiz. Shuningdek, bizda jarohat olganlar ham bor. Yana bir futbolchimiz transfer bilan bog‘liq vaziyat tufayli o‘yinda ishtirok etolmasligi ma’lum bo‘ldi. Lekin ayta olishim mumkin, ayni paytdagi futbolchilarimda Osiyo chempionatiga yo‘llanmani qo‘lga kiritish uchun yetarlicha potensial mavjud, — dedi Aleshandre Pyolking.