“Manchester Siti” hujumchisi Raxim Sterling faoliyatini “Chelsi”da davom ettirishi mumkin, deb xabar beradi Mirror.

Nashrning yozishicha, futbolchi 2022 yilda Qatarda bo‘lib o‘tadigan jahon chempionati oldidan doimiy o‘yin amaliyotiga ega bo‘lishni istagani uchun jamoadagi holatidan norozi.

Klubga kelasi mavsumda Erling Xoland va Xulian Alvaresning kelishi Raximning o‘yin amaliyoti bilan ta’minlanishi judayam qiyin bo‘ladi.

"Shaharliklar" futbolchini 60 million yevro evaziga qo‘yib yuborishga tayyor, Sterlingning o‘zi esa London klubi bosh murabbiyi Tomas Tuxeldan asosiy tarkibdan joy olish uchun shaxsiy kafolatlangan taqdirdagina "Chelsi"ga o‘tishga rozi bo‘ladi.

Sterling o‘tgan mavsumda "Manchester Siti" safida barcha turnirlar doirasida 47ta o‘yinda maydonga tushib, 17ta gol urdi va 9ta golga assistentlik qildi.

Hujumchining klub bilan shartnomasi 2023 yilning 30 iyuniga qadar mo‘ljallangan.