“Манчестер Сити” ҳужумчиси Рахим Стерлинг фаолиятини “Челси”да давом эттириши мумкин, деб хабар беради Mirror.
Нашрнинг ёзишича, футболчи 2022 йилда Қатарда бўлиб ўтадиган жаҳон чемпионати олдидан доимий ўйин амалиётига эга бўлишни истагани учун жамоадаги ҳолатидан норози.
Клубга келаси мавсумда Эрлинг Холанд ва Хулиан Альвареснинг келиши Рахимнинг ўйин амалиёти билан таъминланиши жудаям қийин бўлади.
"Шаҳарликлар" футболчини 60 миллион евро эвазига қўйиб юборишга тайёр, Стерлингнинг ўзи эса Лондон клуби бош мураббийи Томас Тухелдан асосий таркибдан жой олиш учун шахсий кафолатланган тақдирдагина "Челси"га ўтишга рози бўлади.
Стерлинг ўтган мавсумда "Манчестер Сити" сафида барча турнирлар доирасида 47та ўйинда майдонга тушиб, 17та гол урди ва 9та голга ассистентлик қилди.
Ҳужумчининг клуб билан шартномаси 2023 йилнинг 30 июнига қадар мўлжалланган.
