«Реал» ичида вазият нотинч. Сўнгги кунларда журналистлар футболчилар ўртасидаги бир йўла иккита можаро ҳақидаги маълумотларни ошкор қилишди. Жумладан, чоршанба кунги машғулотларда Орельен Тчуамени ва Федерико Вальверде деярли муштлашиб кетишига бир баҳя қолди.
«Реал» оғир даврни бошдан кечирмоқда, жамоа ичидаги бўлиниш эса тобора яққолроқ сезилмоқда. Marca нашрининг хабар беришича, клубда бир-бири билан деярли гаплашмайдиган ўйинчилар гуруҳлари пайдо бўлган.
Шунингдек, мураббий Альваро Арбелоа билан мулоқотда ҳам мураккаб вазият юзага келган. «Иш шу даражага етдики, олти нафарга яқин футболчи у билан умуман гаплашмаяпти», — дейилади мақолада.
Якшанба, 10 май куни «Реал» сафарда «Барселона»га қарши майдонга тушади.
