Маркус Рэшфорд ҳозирда ижара асосида «Барселона»да тўп тепмоқда. Каталонияликлар инглиз футболчисини 30 миллион еврога сотиб олиши борасида шубҳалар бор. Шу сабабли, шу ёзда Рэшфорд «Манчестер Юнайтед»га қайтиши мумкин.

Бироқ, The Sun нашрининг хабарига кўра, «Манчестер Юнайтед» Рэшфордни таркибга қайтаришга режалаштирмаяпти. «Қизил иблислар» футболчини сотиб юборишга қарор қилишган — агар «Барселона» олмаса, бошқа бирор клубга.

Аввалроқ матбуотда 28 ёшли Маркус Рэшфорднинг ўзи «Барселона»да қолишни истаётгани ҳақида кўп марта ёзилган эди. Ҳужумчи «кўк-анорранглилар» сафида 46 та ўйин ўтказиб, 13 та гол урди ва 14 та голли узатмани амалга оширди