«Барселона» ҳужумчи Рафиньянинг келажаги борасида тўхтамга келди. La Vanguardia нашрининг маълумотларига кўра, Каталония клуби қатъий қарор қабул қилган — бразилиялик футболчи шу ёзда сотилмайди.

Рафиньянинг «кўк-анорранглилар» билан шартномаси 2028 йил ёзигача мўлжалланган. Унинг ўзи ҳам «Барселона»да қолишни истайди ва Ханс-Дитер Флик қўл остидаги жамоанинг асосий футболчиларидан бири ҳисобланади.

Рафинья 2022 йилда «Лидс»дан 58 миллион евро эвазига «Барселона»га ўтган эди. Жорий мавсумда ҳужумчи каталонияликлар сафида барча турнирларда 31 та ўйинда майдонга тушиб, 19 та гол урди ва 8 та голли узатмани амалга оширди. Transfermarkt портали Рафиньянинг трансфер қийматини 80 миллион еврога баҳоламоқда