Ярим оғир ва оғир вазн тоифаларида собиқ UFC чемпиони, 38 ёшли америкалик Джон Джонс замонавий футболдаги энг яхши ўйинчи — Криштиану Роналду ёки Лионель Месси деган баҳслар бўйича ўз фикрини билдирди.
— Криштиану Роналду ёки Лионель Месси?
— Эм… Месси. Фақатгина у АҚШда ўйнаётгани учун, — деди Джонс ALG Global YouTube-каналига берган интервьюсида.
«Суяк» лақабли жангчи 2008 йилдан 2024 йилгача профессионал даражада иштирок этган. Унинг ҳисобида 28 та ғалаба, битта мағлубият бор ва яна бир жанги ўтказилмаган деб топилган. Джон Джонс кўплаб таҳлилчилар томонидан аралаш жанг санъати (MMA) тарихидаги энг буюк жангчи сифатида тан олинади.
