Мадриднинг «Реал» клуби ҳужумчиси Винисиус Жуниор ёзги трансфер ойнаси якунланганидан кейин ҳам жамоада қолади. «Қаймоқранглилар» 26 ёшли вингерни сотиш ниятида эмас ва унинг 2027 йил ёзига қадар амал қиладиган шартномасини узайтиришга рози бўлишига ишонмоқда. Бу ҳақда Sky Sports хабар берди.

Манбага кўра, «Қироллик клуби» «Арсенал»нинг қизиқишига қарамай, Винисиусни сақлаб қолишига ишонмоқда. Шу ҳафта «Реал» раҳбарияти ва футболчининг вакиллари ўртасида унинг келажаги бўйича янги музокаралар ўтказилиши режалаштирилган.

Шунингдек, Испания гранди бош мураббийи Жозе Моуринью Винисиусни юқори баҳолайди ва унинг жамоада қолишини истамоқда.

Ўтган мавсумда Винисиус барча мусобақаларда 53 та учрашувда майдонга тушиб, 22 та гол урди ва 14 та голли узатмани амалга оширди.

Transfermarkt маълумотларига кўра, бразилиялик футболчининг бозор қиймати 140 миллион еврога баҳоланмоқда.