Аргентина терма жамоаси ҳимоячиси Лисандро Мартинес ЖЧ-2026 финалида Испанияга кубок топширилиш маросимида жамоасининг хатти-ҳаракати ва турнирдаги танқидлар бўйича изоҳ берди. Мусобақанинг ҳал қилувчи баҳсида аргентиналиклар Испанияга 0:1 ҳисобида имкониятни бой беришган эди.
«Менинг туйғуларим аралашиб кетган. Бу нафрат мутлақо асоссиз экани алам қилади. Майдонда жамоадошларим қандай курашаётганини, мухлисларимиз бизни қўллаб-қувватлаб, худди ўз уйимизда ўйнаётгандек муҳит яратаётганини кўрдим. Бизни киборликда айблашмоқда, аммо бу айбловлар биздан кўра шундай деяётганларнинг ўзи ҳақида кўпроқ нарсани англатади. Биз рақибларимизга ҳамиша катта ҳурмат билан муносабатда бўлганмиз.
Биз испаниялик барча футболчилар ва мураббийлар штаби билан сўрашдик. Агар сизга уларга ортимизни ўгиргандек туюлган бўлса, бу шунчаки бизни қўллаб-қувватлаган мухлисларимиз томон қараганимиз сабаблидир. Бу уларга бўлган ҳурматимизнинг белгиси эди», — дейди Мартинеснинг сўзларини Ole нашри.
