«Barselona» hujumchi Rafinyaning kelajagi borasida to‘xtamga keldi. La Vanguardia nashrining ma’lumotlariga ko‘ra, Kataloniya klubi qat’iy qaror qabul qilgan — braziliyalik futbolchi shu yozda sotilmaydi.
Rafinyaning «ko‘k-anorranglilar» bilan shartnomasi 2028 yil yozigacha mo‘ljallangan. Uning o‘zi ham «Barselona»da qolishni istaydi va Xans-Diter Flik qo‘l ostidagi jamoaning asosiy futbolchilaridan biri hisoblanadi.
Rafinya 2022 yilda «Lids»dan 58 million yevro evaziga «Barselona»ga o‘tgan edi. Joriy mavsumda hujumchi kataloniyaliklar safida barcha turnirlarda 31 ta o‘yinda maydonga tushib, 19 ta gol urdi va 8 ta golli uzatmani amalga oshirdi. Transfermarkt portali Rafinyaning transfer qiymatini 80 million yevroga baholamoqda
