«Atletiko» hujumchisi Xulian Alvares atrofida «Barselona»ga ehtimoliy transfer haqidagi cho‘zilib ketgan mish-mishlar fonida Madrid klubi vaziyatga oydinlik kiritdi.

Madridliklar argentinalik futbolchini kataloniyaliklarga sotish variantlarini istisno qilmoqda.

«Futbolchi vaziyatda jabrlanuvchi sifatida ko‘rsatilmoqda, ammo Xulian bilan bog‘liq vaziyatdagi yagona jabrlanuvchi — biz. Uning «Barselona»ga sotilishi ehtimoli 0 foiz. Bu yerda gap pulda emas, balki qadr-qimmat haqida ketmoqda», — deya «Atletiko»dagi manbalarning so‘zlarini keltirmoqda Marca.

Avvalroq «Atletiko» «Barselona»ning hujumchi transferi bo‘yicha bir nechta taklifini rad etgani xabar qilingan edi. Alvaresning o‘zi esa kataloniyaliklar klubiga o‘tish tarafdori.