«Атлетико» ҳужумчиси Хулиан Альварес атрофида «Барселона»га эҳтимолий трансфер ҳақидаги чўзилиб кетган миш-мишлар фонида Мадрид клуби вазиятга ойдинлик киритди.
Мадридликлар аргентиналик футболчини каталонияликларга сотиш вариантларини истисно қилмоқда.
«Футболчи вазиятда жабрланувчи сифатида кўрсатилмоқда, аммо Хулиан билан боғлиқ вазиятдаги ягона жабрланувчи — биз. Унинг «Барселона»га сотилиши эҳтимоли 0 фоиз. Бу ерда гап пулда эмас, балки қадр-қиммат ҳақида кетмоқда», — дея «Атлетико»даги манбаларнинг сўзларини келтирмоқда Marca.
Аввалроқ «Атлетико» «Барселона»нинг ҳужумчи трансфери бўйича бир нечта таклифини рад этгани хабар қилинган эди. Альвареснинг ўзи эса каталонияликлар клубига ўтиш тарафдори.
