Фабио Каннаваро бошчилигидаги Ўзбекистон миллий терма жамоасининг ноябрь ойида ўтказадиган ўртоқлик учрашувлари бошланиш вақтлари аниқ бўлди.
"Оқ бўрилар" 9–17 ноябрь кунларига белгиланган ФИФА тақвими доирасида иккита назорат баҳсида иштирок этади.
Терма жамоамиз 12 ноябрь куни Тошкентда Россияга қарши майдонга тушади. "Пахтакор" стадионидаги учрашув соат 20:00 да бошланади.
17 ноябрда эса Каннаваро шогирдлари Қатар пойтахти Доҳада Саудия Арабистони терма жамоаси билан куч синашади. Мазкур баҳс Тошкент вақти билан 20:30 га белгиланган.
Ўртоқлик учрашувлари:
12 ноябрь, 20:00. Ўзбекистон – Россия
17 ноябрь, 20:30. Ўзбекистон – Саудия Арабистони
