Португалия президенти Антониу Жозе Сегуру Криштиану Роналдунинг миллий терма жамоадаги фаолиятини якунлаш қарорига муносабат билдириб, афсонавий ҳужумчига миннатдорлик изҳор этди.
Бугун, 5 ноябрь куни "Ан-Наср"нинг 41 ёшли футболчиси 2003 йилдан буён шарафини ҳимоя қилиб келган Португалия терма жамоаси билан хайрлашганини расман эълон қилди.
"Португалия номидан Криштиану Роналдуга миллий жамоамиз шарафини муносиб ҳимоя қилгани, португалияликларни илҳомлантиргани ва мамлакатимиз номини бутун дунёга машҳур қилгани учун миннатдорлик билдираман.
Менимча, бу Криштиану Роналдунинг спорт фаолиятидаги энг оғир кунлардан бири. Аммо ишончим комилки, Португалия халқи ҳар доимгидек уни қўллаб-қувватлайди.
Шунингдек, Португалия бундан кейин ҳам унинг ватанга бўлган муҳаббатига таяниши мумкинлигини биламан. У ҳар бир машғулотда, ҳар бир ўйинда ва барчамизга улкан қувонч бағишлаган ҳар бир голида қандай фидойилик кўрсатган бўлса, келажакда ҳам мамлакатимизни худди шундай садоқат билан намоён этишда давом этади.
Сенга энг эзгу тилакларимни билдираман, Криштиану. Ва барчаси учун катта раҳмат!" — дейилади Сегурунинг баёнотида.
