Opta суперкомпьютери Чемпионлар лигаси умумий босқичининг дастлабки тўртта туридан сўнг мусобақада ғолиб чиқиш эҳтимоли энг юқори клубларни аниқлади.
Ҳисоб-китобларга кўра, асосий фаворит — Лондоннинг "Арсенал" клуби. Микель Артета шогирдларининг чемпионлик эҳтимоли 22,6 фоизга баҳоланган.
Иккинчи ўринни 17,7 фоизлик кўрсаткич билан "Бавария" эгаллаган. Амалдаги чемпион "ПСЖ" эса 12,1 фоизлик эҳтимол билан кучли учликни якунлаган.
Рейтингнинг кейинги ўринларидан "Манчестер Сити", "Барселона" ва "Реал" жой олган. Шу тариқа, Каталония клуби бешинчи, мадридликлар эса олтинчи ўринда қайд этилган.
Чемпионлар лигасида ғолиб бўлиш имконияти энг юқори 10 та клуб рўйхатидан, шунингдек, "Ливерпуль", "Астон Вилла", "Интер" ва "Брюгге" ҳам ўрин олган.
