"Ливерпуль" қанот ҳужумчиси Виктор Муньос фаолиятини Испанияда давом эттириши мумкин. Бу ҳақда Diario AS нашри хабар берди.
Манбага кўра, Мадриднинг "Реал" клуби 23 ёшли футболчининг ўйинларини диққат билан кузатиб бормоқда. Бироқ "қироллик клуби" ҳозирча унинг трансфери бўйича якуний қарор қабул қилмаган.
Эътиборлиси, Муньос 2022–2025 йилларда "Реал" тизимида фаолият юритган. Бундан аввал, 2014–2017 йилларда эса "Барселона" академиясида таҳсил олган.
Испаниялик вингер жорий йил ёзида "Осасуна"дан "Ливерпуль"га 40 миллион евро эвазига кўчиб ўтган. У Англия клуби билан 2032 йил 30 июнгача мўлжалланган шартнома имзолаган.
Муньос ҳозиргача "Ливерпуль" сафида 11 та учрашувда майдонга тушиб, 2 та гол урди ва 1 та голли узатмани амалга оширди.
