Madridning «Atletiko» klubi hujumchisi Xulian Alvares jamoa mashg‘ulotiga kelmadi. Bu haqda jurnalist Ruben Uriya xabar berdi.

Jurnalistning ma’lum qilishicha, «Atletiko» rasmiylari Alvaresning mashg‘ulotda ishtirok etmagani haqidagi ma’lumotni tasdiqlagan.

Klub vakillariga tayangan manbaning qayd etishicha, futbolchi tunda yaxshi uxlamagan va o‘zini yaxshi his qilmagan.

Eslatib o‘tamiz, Ispaniya chempionatining 1-turidan o‘rin olgan «Vilyarreal»ga qarshi uchrashuvda (2:2) «Atletiko» muxlislari Alvaresni hushtakbozlik bilan qarshi olgan edi.

Ma’lumotlarga ko‘ra, hujumchi butun yoz davomida «Barselona»ga o‘tish istagini bildirib kelmoqda, ammo «Atletiko» rahbariyati uni qo‘yib yuborishni istamayapti.