Мадриднинг «Атлетико» клуби ҳужумчиси Хулиан Альварес жамоа машғулотига келмади. Бу ҳақда журналист Рубен Урия хабар берди.
Журналистнинг маълум қилишича, «Атлетико» расмийлари Альвареснинг машғулотда иштирок этмагани ҳақидаги маълумотни тасдиқлаган.
Клуб вакилларига таянган манбанинг қайд этишича, футболчи тунда яхши ухламаган ва ўзини яхши ҳис қилмаган.
Эслатиб ўтамиз, Испания чемпионатининг 1-туридан ўрин олган «Вильярреал»га қарши учрашувда (2:2) «Атлетико» мухлислари Альваресни ҳуштакбозлик билан қарши олган эди.
Маълумотларга кўра, ҳужумчи бутун ёз давомида «Барселона»га ўтиш истагини билдириб келмоқда, аммо «Атлетико» раҳбарияти уни қўйиб юборишни истамаяпти.
