“Napoli” himoyachisi Matias Oliveyra Urugvay terma jamoasi safida tizzasidan jarohat oldi. La Gazette dello Sport xabariga ko‘ra, futbolchi jarrohlik amaliyotiga muhtoj bo‘lmaydi, ammo jarohatidan forig‘ bo‘lishi uchun bir oy kerak bo‘ladi.

Oliveyra transfer oynasi ochilishidan oldin ham "Napoli" futbolchisiga aylangandi. Neapol klubi urugvaylik futbolchini Ispaniyaning “Xetafe” klubidan sotib oldi. Bonuslarni hisobga olgan holda bitim summasi kelajakda 13 million yevrogacha oshishi mumkin.

O‘tgan mavsumda Oliveyra Ispaniya La Ligasida bitta gol urdi va uchta golli uzatmani amalga oshirdi.