"Real" yarim himoyachi Marko Asensioning kelajagi borasida bir qarorga keldi. Marca nashri xabariga ko‘ra, "qirollik klubi" futbolchini yozgi transfer oynasida sotish niyatida. Yarim himoyachini sotishdan "qaymoqranglilar" 40 million yevroga yaqin daromad olishni kutmoqda.

Angliya va Italiya chempionatlarida Asensioga talab bor. Londonning “Arsenal” va “Milan” klublari yarim himoyachini o‘z saflariga qo‘shib olmoqchi.

Marko 2015 yilning yozidan beri madridliklar safida o‘ynamoqda. 26 yoshli yarim himoyachi o‘tgan mavsumda Ispaniyada 31 ta o‘yinda maydonga tushib, 10 ta gol urgan.