Urugvaylik hujumchi Luis Suares Kataloniya klubi rahbariyatiga hamyurti Darvin Nunyesni sotib olishni tavsiya qilganini tan oldi.
"U dunyoning eng yaxshi murabbiylaridan biri bor ajoyib klubga o‘tdi. Darvin "Almeriya"da o‘ynaganida, men "Barselona"ga uni sotib olishni tavsiya qilgandim, ammo bu amalga oshmadi", - deya Suaresning so‘zlaridan iqtibos keltiradi Mirror.
1 iyun kuni "Liverpul" 22 yoshli urugvaylik hujumchi bilan shartnoma imzolaganini e’lon qilgan edi. Futbolchi o‘tgan mavsumda Portugaliya klubi safida 41 ta o‘yin o‘tkazib, 34 ta gol urgan va 4 ta golga assistentlik qilgan.