Уругвайлик ҳужумчи Луис Суарес Каталония клуби раҳбариятига ҳамюрти Дарвин Нуньесни сотиб олишни тавсия қилганини тан олди.
"У дунёнинг энг яхши мураббийларидан бири бор ажойиб клубга ўтди. Дарвин "Алмерия"да ўйнаганида, мен "Барселона"га уни сотиб олишни тавсия қилгандим, аммо бу амалга ошмади", - дея Суареснинг сўзларидан иқтибос келтиради Mirror.
1 июнь куни "Ливерпуль" 22 ёшли уругвайлик ҳужумчи билан шартнома имзолаганини эълон қилган эди. Футболчи ўтган мавсумда Португалия клуби сафида 41 та ўйин ўтказиб, 34 та гол урган ва 4 та голга ассистентлик қилган.