«Барселона» тарбияланувчиси Хофре Торрентс фаолиятини «Аякс»да давом эттириши мумкин. Бу ҳақда De Telegraaf хабар бермоқда.
Манбага кўра, Нидерландия клуби 19 ёшли футболчини трансфер тўловисиз ўз сафига қўшиб олиш устида ишламоқда. Торрентснинг ўзи билан 2030 йилгача мўлжалланган шартнома борасида музокаралар олиб борилмоқда. Шу билан бирга, «Барселона»да ёш испаниялик футболчини кейинчалик қайта сотиб олиш ҳуқуқи сақланиб қолиши қайд этилган.
«Барселона» асосий жамоаси таркибида Торрентс 4 та учрашувда иштирок этган ва самарали ҳаракатлари билан ажралиб турмаган.
