"Манчестер Юнайтед" 2025/26 йилги мавсум якунлари бўйича молиявий ҳисоботини эълон қилди.
Business Wire маълумотига кўра, "МЮ" еврокубокларда иштирок этмаганига қарамай, йиллик тушум бўйича клуб рекордини янгилади. Манчестерликларнинг даромади 677,6 миллион фунтни ташкил қилди. Аввалги энг юқори кўрсаткич 666,5 миллион фунт эди.
Клубда молиявий натижалар яхшиланишини харажатлар ва ходимлар сонининг қисқартирилгани, шунингдек, жамоанинг Англия Премьер-лигасида нисбатан муваффақиятли иштирок этгани билан изоҳлашмоқда.
Ўтган мавсум якунида "Манчестер Юнайтед" Англия чемпионатида учинчи ўринни эгаллаб, Чемпионлар лигасига қайтган эди.
Янги мавсумда эса беш турдан кейин "МЮ" 5 очко билан Премьер-лига турнир жадвалида 12-ўринда бормоқда.
