Михаил Мудрик допинг сабабли берилган дисквалификация муддати якунлангач, яқинда «Челси» ихтиёрига қайтди. Украиналик вингер фаолиятини ижара асосида бошқа клубда давом эттириши мумкин. Унга Англия Премьер-лигасининг учта клуби қизиқиш билдирмоқда.

Football.London хабар беришича, украиналик футболчига даъвогарлардан бири — «Ковентри». Жамоанинг бош мураббийи Фрэнк Лэмпард Мудрик билан аввалроқ Лондон клубида бирга ишлаган.

Шунингдек, аввалроқ Мудрик ижара асосида «Страсбург»га ёки Италия чемпионатига йўл олиши мумкинлиги ҳақида хабарлар тарқалган эди.

25 ёшли футболчи «Челси» сафида 2023 йилдан буён тўп тепмоқда. У барча турнирларда 73 та учрашувда майдонга тушиб, 10 та гол ва 11 та голли узатма муаллифи бўлган.