Mixail Mudrik doping sababli berilgan diskvalifikasiya muddati yakunlangach, yaqinda «Chelsi» ixtiyoriga qaytdi. Ukrainalik vinger faoliyatini ijara asosida boshqa klubda davom ettirishi mumkin. Unga Angliya Premyer-ligasining uchta klubi qiziqish bildirmoqda.

Football.London xabar berishicha, ukrainalik futbolchiga da’vogarlardan biri — «Koventri». Jamoaning bosh murabbiyi Frenk Lempard Mudrik bilan avvalroq London klubida birga ishlagan.

Shuningdek, avvalroq Mudrik ijara asosida «Strasburg»ga yoki Italiya chempionatiga yo‘l olishi mumkinligi haqida xabarlar tarqalgan edi.

25 yoshli futbolchi «Chelsi» safida 2023 yildan buyon to‘p tepmoqda. U barcha turnirlarda 73 ta uchrashuvda maydonga tushib, 10 ta gol va 11 ta golli uzatma muallifi bo‘lgan.