"Inter" "Chelsi"ga hujumchi Romelu Lukaku uchun yangi taklif bilan chiqdi. Milan klubi 29 yoshli hujumchining ijarasi uchun 7 million yevro taklif qilmoqda, deya xabar beradi jurnalist Fabrisio Romano.
Dastlab klublar 10 millionga ijaraga kelishgan. Ammo so‘nggi daqiqada bu kelishuvga "Inter" prezidenti Stiven Jan to‘sqinlik qildi.
Lukaku o‘tgan yozda "Inter"dan "Chelsi"ga o‘tgan va 2025/2026 yilgi mavsum oxirigacha shartnoma imzolagan edi. Transfermarkt ma’lumotlariga ko‘ra, kelishuv narxi 113 million yevroni tashkil qilgan
2021/2022-yilgi mavsumda hujumchi “Chelsi” safida barcha turnirlar doirasida 42 ta o‘yinda maydonga tushib, 13 ta gol urdi va 5 ta golli uzatmani amalga oshirdi.
