"Интер" "Челси"га ҳужумчи Ромелу Лукаку учун янги таклиф билан чиқди. Милан клуби 29 ёшли ҳужумчининг ижараси учун 7 миллион евро таклиф қилмоқда, дея хабар беради журналист Фабрицио Романо.
Дастлаб клублар 10 миллионга ижарага келишган. Аммо сўнгги дақиқада бу келишувга "Интер" президенти Стивен Жан тўсқинлик қилди.
Лукаку ўтган ёзда "Интер"дан "Челси"га ўтган ва 2025/2026 йилги мавсум охиригача шартнома имзолаган эди. Transfermarkt маълумотларига кўра, келишув нархи 113 миллион еврони ташкил қилган
2021/2022-йилги мавсумда ҳужумчи “Челси” сафида барча турнирлар доирасида 42 та ўйинда майдонга тушиб, 13 та гол урди ва 5 та голли узатмани амалга оширди.
