"Arsenal" hujumchisi Eddi Nketia jamoadagi o‘rni haqida fikr bildirdi. U shunday deydi:
"Har bir klubda raqobatga chidamli tarkib bo‘lishi kerak. Shu sababdan har bir jamoa tarkibni kuchaytirishga harakat qiladi. Rahbariyat men bilan yangi bitim imzoladi va bu ishning ortida ham aynan raqobat yotibdi. Buni men juda ham yaxshi bilaman.
Jamoaga kim kelishidan qat’iy nazar, raqobatga tayyor turishingiz kerak. Bu zamonaviy futbolning qonunidir. Yangi jamoadoshingizni quchoq ochib kutib olishingiz va maydonda u bilan raqobatga kirishishingiz kerak bo‘ladi".
