"Atletiko Madrid" klubi Antuan Grizmanning ijara shartnomasini ikkinchi yilga uzaytirish imkoniyatini faollashtirdi, deb xabar beradi Marca.
Bu muddatdan keyin “matraschilar” fransuzni “Barselona”dan 40 million yevro evaziga sotib olishi talab qilinadi - agar u jami ikki mavsum davomida Madridliklar safida kamida 50 foiz o‘yinda maydonga tushsa. Grizmanning Diyego Simeone jamoasida muhim ahamiyat kasb etishini hisobga olsak, bu aniq variant. "Atletiko" hujumchiga to‘liq ishonadi va uning faoliyatini yaxshilashga umid qilmoqda.
Antuan 2021 yil 31 avgust kuni “Barselona”dan “Atletiko Madrid”ga qaytdi va o‘tgan mavsumda “matraschilar” safida 39 ta o‘yinda maydonga tushdi (29 tasi La Ligada, 9 tasi Chempionlar ligasida va 1 tasi Qirol kubogida). Uning hisobida 8 ta gol va 7 ta golli uzatma bor. 2019 yilda “Barselona” uni “Atletiko”dan 120 million yevroga sotib olgandi.
