"Атлетико Мадрид" клуби Антуан Гризманнинг ижара шартномасини иккинчи йилга узайтириш имкониятини фаоллаштирди, деб хабар беради Marca.

Бу муддатдан кейин “матрасчилар” французни “Барселона”дан 40 миллион евро эвазига сотиб олиши талаб қилинади - агар у жами икки мавсум давомида Мадридликлар сафида камида 50 фоиз ўйинда майдонга тушса. Гризманнинг Диего Симеоне жамоасида муҳим аҳамият касб этишини ҳисобга олсак, бу аниқ вариант. "Атлетико" ҳужумчига тўлиқ ишонади ва унинг фаолиятини яхшилашга умид қилмоқда.

Антуан 2021 йил 31 август куни “Барселона”дан “Атлетико Мадрид”га қайтди ва ўтган мавсумда “матрасчилар” сафида 39 та ўйинда майдонга тушди (29 таси Ла Лигада, 9 таси Чемпионлар лигасида ва 1 таси Қирол кубогида). Унинг ҳисобида 8 та гол ва 7 та голли узатма бор. 2019 йилда “Барселона” уни “Атлетико”дан 120 миллион еврога сотиб олганди.