«Кристал Пэлас» таркиби янги футболчи билан тўлдирилди – испаниялик қанот ҳимоячиси Оскар Мингеса инглиз жамоаси билан меҳнат шартномасини имзолади. Бу ҳақда «бургутлар»нинг расмий сайти хабар берди.

Мингеса «Кристал Пэлас» сафига эркин агент сифатида келиб қўшилди. Футболчи тўрт йилга мўлжалланган шартномани имзолади.

27 ёшли испаниялик ҳимоячи «Барселона» тарбияланувчиси ҳисобланади. 2020–2022-йилларда Мингеса «кўк-анорранглилар» асосий таркибида тўп сурган. Ҳимоячи сўнгги тўрт мавсумни «Сельта» сафида ўтказиб, ушбу жамоа таркибида 147 та ўйин ўтказди ва «гол+пас» тизими бўйича 22 очко тўплади.

Эслатиб ўтамиз, Англия премьер-лигасининг янги мавсуми 21-август куни бошланади.