«Барселона» ҳужумчилари Ламин Ямал ва Рафинья «Ньюкасл» футболчиси Энтони Гордонни Карим Адейемига қараганда ҳужум учлигида ўзларига мосроқ шерик деб ҳисобламоқда. El Nacional нашри бу ҳақда ёзди.

Манбага кўра, Гордон билан ўйнаганда Рафинья ва Ямалга ҳаракат қилиш осонроқ, чунки англиялик футболчи улар эгаллаган ҳудудларга камдан-кам ёриб киради. У тўпсиз ҳаракатларда фаол, рақибни юқори босим остида ушлашда самарали ва қачон бўш ҳудудга ҳужум қилиш, қачон шеригига яқинлашиб комбинацияда иштирок этиш кераклигини яхшироқ тушунади.

Адейеми эса тезликдан фойдаланиб ҳужум қилишни ва ҳимоядан ҳужумга тез ўтишни яхши кўради. Рақиб чуқур ҳимояланганда унинг таъсири пасаяди.