«Barselona» hujumchilari Lamin Yamal va Rafinya «Nyukasl» futbolchisi Entoni Gordonni Karim Adeyemiga qaraganda hujum uchligida o‘zlariga mosroq sherik deb hisoblamoqda. El Nacional nashri bu haqda yozdi.
Manbaga ko‘ra, Gordon bilan o‘ynaganda Rafinya va Yamalga harakat qilish osonroq, chunki angliyalik futbolchi ular egallagan hududlarga kamdan-kam yorib kiradi. U to‘psiz harakatlarda faol, raqibni yuqori bosim ostida ushlashda samarali va qachon bo‘sh hududga hujum qilish, qachon sherigiga yaqinlashib kombinasiyada ishtirok etish kerakligini yaxshiroq tushunadi.
Adeyemi esa tezlikdan foydalanib hujum qilishni va himoyadan hujumga tez o‘tishni yaxshi ko‘radi. Raqib chuqur himoyalanganda uning ta’siri pasayadi.
