«ПСЖ» ҳужумчиси Усман Дембеле Чемпионлар лигаси умумий босқичининг учинчи турида «Барселона»га қарши ўйиндан кейин эътибор марказида бўлди.
Жароҳати сабаб майдонни тарк этган француз футболчиси алмаштириш вақтидаги хатти-ҳаракатлари билан муҳокамаларга сабаб бўлди. The Touchline нашри хабар беришича, Дембеле кийиниш хонасига йўл олаётганда парижликлар бош мураббийи Луис Энрике ёнидан унга салом бермасдан ўтиб кетган. Бироқ ҳужумчи «Барселона» устози Ҳанс-Дитер Фликнинг олдида тўхтаб, у билан қўл бериб кўришган.
Эслатиб ўтамиз, 20 октябрь куни парижликлар ўз майдонида «Барселона»ни 4:2 ҳисобида мағлуб этишган.
