Германия футбол иттифоқи (DFB) мураббий Юрген Клоппга йилига 7 миллион евро миқдоридаги маош билан тўрт йиллик шартнома таклиф қилди. Бу ҳақда Bild хабар бермоқда.
Манба маълумотларига кўра, 59 ёшли мутахассис «Бундестим»нинг собиқ мураббийи Юлиан Нагельсмандан кўпроқ даромад олади. Аввалроқ оммавий ахборот воситалари Нагельсманнинг йиллик маоши 4-6 миллион евро атрофида бўлганини хабар қилганди.
2025 йилдан бери Клопп «Red Bull» компаниясида халқаро алоқалар бўйича директор лавозимида ишлаб келмоқда. Унинг ушбу компания билан тузган шартномаси 2029 йил охиригача амал қилади. «Red Bull»га ўтишдан олдин мутахассис 2015 йилдан 2024 йилгача «Ливерпуль» клубини бошқарган.
3 июль куни Германия футбол иттифоқи (DFB) Юлиан Нагельсман билан шартнома муддатидан олдин бекор қилинганини эълон қилди ва Клопп билан музокаралар олиб бориш ниятида эканини маълум қилди.
