Испания чемпионати 4-туридан ўрин олган сафардаги учрашувда Мадриднинг «Реал» клуби Севильянинг «Бетис» жамоасига қарши майдонга тушди. «Қироллик клуби» 0:1 ҳисобида мағлуб бўлди.

«Реал»нинг юлдузли вингери Винисиус жамоасининг мағлубиятидан норози бўлди. Якуний ҳакам ҳуштаги янграганидан сўнг бразилиялик футболчи олдига қўлини сиқиш учун келган бош мураббий Жозе Моуриньони эътиборсиз қолдирди. Ҳужумчи «Махсус»нинг мурожаатига тўхтамасдан, майдон бўйлаб ҳаракатини давом эттирди.

Винисиус яқинда Мадрид гранди билан шартномасини 2032 йил июнь ойининг охиригача узайтирган эди. Футболчининг бозор қиймати 140 миллион еврони ташкил этади.