"Barselona" "Lids"ga 25 yoshli hujumchi Rafinya bo‘yicha rasmiy taklif bilan chiqdi. Bu haqda jurnalist Fabrisio Romano tvitterda xabar berdi.

So‘rov allaqachon yozma ravishda ingliz klubi ofisiga yuborilgan. Biroq, "Lids" bu taklifni qabul qilmoqchi emas, chunki ular "Chelsi" bilan kelishuvga rioya qilmoqchi. Avvalroq londonliklar Rafinya transferi bo‘yicha "Lids" bilan to‘liq kelishuvga erishgani haqida xabar berilgandi.

2021/22 yilgi mavsumda Rafinya “Lids” safida Premyer-ligada 35 ta o‘yinda maydonga tushib, 11 ta gol urdi va 3 ta golli uzatmani amalga oshirdi.