Hamyurtimiz Shoxjahon Ergashevning navbatdagi jangi joriy yilning 10 avgust kuni AQSHning Detroyt shahrida o‘tkaziladi. Ushbu uchrashuv super yengil vazn toifasida (63,5) Shoxjahon Ergashev hamda meksikalik Anxel Martines o‘rtasida kechadi. Jang 8 raund etib belgilangan.
Professional boksdagi faoliyati mobaynida 22 ta jang o‘tkazib, barchasida g‘alabaga erishgan hamyurtimiz uchun ushbu jang 2022 yildagi ikkinchi muhim musobaqadir.
– Men mashg‘ulotlar jarayonida kundan kunga o‘sayotganimdan, texnik-taktik mahoratimni oshirayotganimdan xursandman. Har bir raqibimni hurmat qilaman. Uning kuchli tomonlarini o‘rganaman. Zarur xulosalar chiqaraman. Asosiy e’tiborim chempionlikka qaratilgan. Kelajakda kim bilan uchrashishimdan qat’iy nazar, u Ridjis Progreys bo‘ladimi, super yengil vaznda amaldagi jahon chempioni Josh Teylormi, Jek Ketterollmi barcha-barchasi bilan ro‘baro‘ kelishga tayyorman, – deya intervyu bergan SH.Ergashev, vRINGe sayti muxbiriga.
Eslatib o‘tamiz, hamyurtimiz eng so‘nggi jangini joriy yilning may oyida argentinalik Luis Alberto Veronaga qarshi o‘tkazib, ochkolar hisobida g‘olib chiqqandi.
