Frankfurtning “Ayntraxt” klubi o‘z himoyachisi Evan N’Dika bilan 18-20 million yevro evaziga xayrlashishga tayyor, deb xabar bermoqda Tuttosport.

Manba bergan xabarga ko‘ra, 22 yoshli fransiyalik futbolchining xizmatlariga qiziqayotgan klublar bu summani juda yuqori deb hisoblamoqda, chunki futbolchining "Ayntraxt" bilan shartnomasi kelasi yil yozida yakuniga yetadi.

Oldinroq himoyachiga "Milan"dan qiziqish borligi haqida xabarlar tarqalgan edi.

O‘tgan mavsumda futbolchi o‘z jamoasi tarkibida barcha musobaqalarda 44 ta o‘yin o‘tkazib, 4 ta gol urgan va shuncha golli uzatmani amalga oshirgan.

Transfermarkt portali fransiyalik futbolchini 32 million yevroga baholamoqda.