Франкфуртнинг “Айнтрахт” клуби ўз ҳимоячиси Эван Н’Дика билан 18-20 миллион евро эвазига хайрлашишга тайёр, деб хабар бермоқда Tuttosport.
Манба берган хабарга кўра, 22 ёшли франциялик футболчининг хизматларига қизиқаётган клублар бу суммани жуда юқори деб ҳисобламоқда, чунки футболчининг "Айнтрахт" билан шартномаси келаси йил ёзида якунига етади.
Олдинроқ ҳимоячига "Милан"дан қизиқиш борлиги ҳақида хабарлар тарқалган эди.
Ўтган мавсумда футболчи ўз жамоаси таркибида барча мусобақаларда 44 та ўйин ўтказиб, 4 та гол урган ва шунча голли узатмани амалга оширган.
Transfermarkt портали франциялик футболчини 32 миллион еврога баҳоламоқда.
