“Betis” yarim himoyachisi Vilyam Karvalyu jamoa bilan mavsumoldi birinchi yig‘inga bormadi, deb xabar beradi Sport.es.

Portugaliya terma jamoasi futbolchisining yo‘qligi futbolchining tez orada klubni tark etishi bilan bog‘liq. Karvalyuga "Lion" va "Fenerbaxche" klublari qiziqish bildirmoqda.

30 yoshli yarim himoyachi 2018 yilda Lissabonning "Sporting" klubidan "Betis"ga o‘tgan edi. Futbolchining ispan klubi bilan shartnomasi kelasi yozda yakuniga yetadi.

O‘tgan mavsumda futbolchi Ispaniya chempionatida 33 ta o‘yinda maydonga tushib, 2 ta gol urdi va 3 ta golli uzatmani amalga oshirdi.