“Бетис” ярим ҳимоячиси Вильям Карвалью жамоа билан мавсумолди биринчи йиғинга бормади, деб хабар беради Sport.es.
Португалия терма жамоаси футболчисининг йўқлиги футболчининг тез орада клубни тарк этиши билан боғлиқ. Карвальюга "Лион" ва "Фенербахче" клублари қизиқиш билдирмоқда.
30 ёшли ярим ҳимоячи 2018 йилда Лиссабоннинг "Спортинг" клубидан "Бетис"га ўтган эди. Футболчининг испан клуби билан шартномаси келаси ёзда якунига етади.
Ўтган мавсумда футболчи Испания чемпионатида 33 та ўйинда майдонга тушиб, 2 та гол урди ва 3 та голли узатмани амалга оширди.
